من طاع ربه
احدن تنومس رفقته وافتخر فيه
واعتز في عرف السنافي وشرواه
وحدن سروري يوم اغادر حراويه
ارتاح واسلى وانبسط عقب فرقاه
واحدن ليا منه زعل ودي أرضيه
وحدن زعله احب عندي من رضاه
وحدن سوى لانيب اسبه ولا أغليه
ان رضي عادي وان زعل مانشدناه
والطيب يطلع فالنشاما مواريه
يظهر على الرجال شكله ومعناه
أما شجاع والظفر في هقاويه
ولا كريمن تفعل الجود يمناه
ومن طاع ربه فاز وأدرك مناويه
ومن خالف أمره خسر دينه ودنياه
| راجح العجمي |
