العمر مرة

العمر مرة نص رائع يحمل سمو المعاني والصفاة الحميدة من خلال الشعر وبتوجيه المجرب:

العمر مره والليالي مدابير
والفايز اللي مغتنم ما ضياته
حوَّل مجاهيم النوايا مغاتير
والدرس ياخذ منْه كل احسناته
لا هو ب مطفوقٍ ولا يعكس السير
ولا هو ب من غنى وتارك صلاته
ولا هو ب طراد الهوى والغنادير
ولا هو على عروض البشر سالفاته
مره على شره ومره على غير
كن البشر عنده على مشتهاته
و(الحظ) ما يندبهْ غير المعيثير
اللي يطيح ب أول امحاولاته
وقت الرخا عده مثل سالم الزير
ِوالا الشديده عد حاله (خواته)
حي الكفاح وحي شوف المناعير
وحي الخوي اللي تنومس طراته
احدٍ ليا من شاف زول المسايير
ودك تبدل غترته في عباته
واحدٍ تشوف رجال حوله طوابير
كنه مبشر ب استجابة دعاته
الله خلق والله فرق دون تقصير
واحسنهم اللي قد حسن ب اعملاته
وخطوط حمرا مالها ب المعاذير
من لا تعداها فلح في حياتة
النفس خالفها وتبشر على خير
من طاعها ما كَنّ زود اعبراته

| مساعد خليفه المجرب |